nazar nazar se mili dil pukar uTha ki nahin

nazar nazar se milī dil pukār uThā ki nahīñ

nahīñ ḳhabar mujhe us vaqt hosh thā ki nahīñ

phir ārzūoñ kī bastī meñ qāfile aa.e

dar-e-fusūn-e-tamannā abhī khulā ki nahīñ

na.e safar haiñ na.e rāh-rau na.ī rāheñ

na.e zamīn-o-zamāñ kī hai ibtidā ki nahīñ

tirī talāsh meñ ham ḳhud se āshnā na rahe

abhī huī hai mohabbat kī intihā ki nahīñ

tire visāl ke rastoñ meñ ham ḳhirad se mile

junūñ ne dil se kahā hai vahī fazā ki nahīñ

nazar nazar se mili dil pukar uTha ki nahin

nahin KHabar mujhe us waqt hosh tha ki nahin

phir aarzuon ki basti mein qafile aae

dar-e-fusun-e-tamanna abhi khula ki nahin

nae safar hain nae rah-rau nai rahen

nae zamin-o-zaman ki hai ibtida ki nahin

teri talash mein hum KHud se aashna na rahe

abhi hui hai mohabbat ki intiha ki nahin

tere visal ke raston mein hum KHirad se mile

junun ne dil se kaha hai wahi faza ki nahin