nazar sameTen baTor kar intizar rakh den
nazar sameTeñ baTor kar intizār rakh deñ
jo us pe thā ab talak hameñ e'tibār rakh deñ
bas ek ḳhvāhish madār thī apnī zindagī kā
kisī ke hāthoñ meñ apnā dār-o-madār rakh deñ
tujhe jakaḌ le kabhī salīqa yahī nahīñ hai
hai jī meñ sab noch kar nigāhoñ ke taar rakh deñ
baḌī hī narmī se us kī āñkheñ musir huī thiiñ
ham us ke dāman meñ apnā saarā ġhubār rakh deñ
kabhī mirī zid jo kar le mujh hī ko le ke dam le
phir us ke aage zamāne bhar ko hazār rakh deñ
nazar sameTen baTor kar intizar rakh den
jo us pe tha ab talak hamein e'tibar rakh den
bas ek KHwahish madar thi apni zindagi ka
kisi ke hathon mein apna dar-o-madar rakh den
tujhe jakaD le kabhi saliqa yahi nahin hai
hai ji mein sab noch kar nigahon ke tar rakh den
baDi hi narmi se us ki aankhen musir hui thin
hum us ke daman mein apna sara ghubar rakh den
kabhi meri zid jo kar le mujh hi ko le ke dam le
phir us ke aage zamane bhar ko hazar rakh den
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
