nazar se dur haqiqat rahi kai barson

nazar se duur haqīqat rahī ka.ī barsoñ

hayāt ḳhvāb kī sūrat rahī ka.ī barsoñ

ye aur baat ki charchā mirī vafā kā huā

use bhī mujh se mohabbat rahī ka.ī barsoñ

ye ziist itnī bhī arzāñ na thī hamesha se

har ek saañs kī qīmat rahī ka.ī barsoñ

ye kah rahe haiñ dar-o-bām shahr ke saare

yahāñ ġhamoñ kī hukūmat rahī ka.ī barsoñ

bayān-e-ġham ke havāle se sarfarāz huuñ maiñ

ki sher-e-'mīr' se sohbat rahī ka.ī barsoñ

sitāra shaam kī dahlīz par utartā rahā

falak-nashīñ ko shikāyat rahī ka.ī barsoñ

nazar se dur haqiqat rahi kai barson

hayat KHwab ki surat rahi kai barson

ye aur baat ki charcha meri wafa ka hua

use bhi mujh se mohabbat rahi kai barson

ye zist itni bhi arzan na thi hamesha se

har ek sans ki qimat rahi kai barson

ye kah rahe hain dar-o-baam shahr ke sare

yahan ghamon ki hukumat rahi kai barson

bayan-e-gham ke hawale se sarfaraaz hun main

ki sher-e-'mir' se sohbat rahi kai barson

sitara sham ki dahliz par utarta raha

falak-nashin ko shikayat rahi kai barson