nazar tak aaya hai pahchan tak nahin aaya

nazar tak aayā hai pahchān tak nahīñ aayā

ye vāhima abhī imkān tak nahīñ aayā

jarāhat-e-ġham-e-daurāñ kī ibtidā kahiye

dil-e-jahāñ-zada paikān tak nahīñ aayā

vo aur baat ki jaañ kī amaan māñgī thī

maiñ us kī bai.at-o-paikāñ tak nahīñ aayā

bas us ke lams kā ilhām hī utartā hai

vo mere mus.haf-e-vijdān tak nahīñ aayā

ye zindagī to nafī meñ guzār dī maiñ ne

par us ke halqa-e-mīzān tak nahīñ aayā

kitāb-e-husn kī ta.abīr ḳhair kyā kartā

'nadīm' aa.ina unvān tak nahīñ aayā

nazar tak aaya hai pahchan tak nahin aaya

ye wahima abhi imkan tak nahin aaya

jarahat-e-gham-e-dauran ki ibtida kahiye

dil-e-jahan-zada paikan tak nahin aaya

wo aur baat ki jaan ki aman mangi thi

main us ki baiat-o-paikan tak nahin aaya

bas us ke lams ka ilham hi utarta hai

wo mere mushaf-e-wijdan tak nahin aaya

ye zindagi to nafi mein guzar di main ne

par us ke halqa-e-mizan tak nahin aaya

kitab-e-husn ki tabir KHair kya karta

'nadim' aaina unwan tak nahin aaya