nazar us par fida hai jis ki tabani nahin jati

nazar us par fidā hai jis kī tābānī nahīñ jaatī

koī aalam ho jalvoñ kī farāvānī nahīñ jaatī

tasavvur se bhī un kī jalva-sāmānī nahīñ jaatī

paḌe haiñ laakh parde phir bhī uryānī nahīñ jaatī

namāz-e-āshiqī mujh par balā-e-nā-gahāñ guzrī

tumhāre āstāñ tak merī peshānī nahīñ jaatī

vajūd-e-zindagī ik khel hai do-chār lamhoñ kā

haqīqat aadmī se us kī pahchānī nahīñ jaatī

sitāroñ meñ bahāroñ meñ nazāroñ meñ hazāroñ meñ

vahī to ek sūrat hai jo pahchānī nahīñ jaatī

safīne āñsuoñ ke tairte rahte haiñ āñkhoñ meñ

kisī sūrat hamāre dil kī tuġhyānī nahīñ jaatī

tamannā ḳhuub jaane hai tabassum un ke hoñToñ kā

magar zer-e-tabassum fitna-sāmānī nahīñ jaatī

nazar us par fida hai jis ki tabani nahin jati

koi aalam ho jalwon ki farawani nahin jati

tasawwur se bhi un ki jalwa-samani nahin jati

paDe hain lakh parde phir bhi uryani nahin jati

namaz-e-ashiqi mujh par bala-e-na-gahan guzri

tumhaare aastan tak meri peshani nahin jati

wajud-e-zindagi ek khel hai do-chaar lamhon ka

haqiqat aadmi se us ki pahchani nahin jati

sitaron mein bahaaron mein nazaron mein hazaron mein

wahi to ek surat hai jo pahchani nahin jati

safine aansuon ke tairte rahte hain aankhon mein

kisi surat hamare dil ki tughyani nahin jati

tamanna KHub jaane hai tabassum un ke honTon ka

magar zer-e-tabassum fitna-samani nahin jati