nazm-e-gulshan mein ek andaz naya rakhte hain

nazm-e-gulshan meñ ik andāz nayā rakhte haiñ

ya.anī ham phūloñ ko kāñToñ se milā rakhte haiñ

aag lag jaa.e na shīshe ke mahal meñ yaaro

ham sar-e-shām charāġhoñ ko bujhā rakhte haiñ

koī tohfa liye ahbāb na ghar tak pahuñche

kyūñki ham kāñdhe pe ġhurbat kī ridā rakhte haiñ

fat.h-o-nusrat unhīñ logoñ ke muqaddar meñ hai

saath jo mādar-e-mushfiq kī duā rakhte haiñ

roz bahtā hai yahāñ ḳhuun kā dariyā 'shamsī'

ham darinde to nahīñ ḳhauf-e-ḳhudā rakhte haiñ

nazm-e-gulshan mein ek andaz naya rakhte hain

yani hum phulon ko kanTon se mila rakhte hain

aag lag jae na shishe ke mahal mein yaro

hum sar-e-sham charaghon ko bujha rakhte hain

koi tohfa liye ahbab na ghar tak pahunche

kyunki hum kandhe pe ghurbat ki rida rakhte hain

fath-o-nusrat unhin logon ke muqaddar mein hai

sath jo madar-e-mushfiq ki dua rakhte hain

roz bahta hai yahan KHun ka dariya 'shamsi'

hum darinde to nahin KHauf-e-KHuda rakhte hain