nazm-e-hazir ka badalta hua andaz hain hum

nazm-e-hāzir kā badaltā huā andāz haiñ ham

ġhaur se sun ki na.e daur kī āvāz haiñ ham

jaane kab pahuñchegī anjām ko tahzīb-e-bashar

baad sadiyoñ ke bhī āġhāz hī āġhāz haiñ ham

bajtī rahtī hai na.e giit kī sargam dil meñ

be-navā.ī meñ bhī bajtā huā ik saaz haiñ ham

hadiya-e-gosh-e-samā.at hī koī pesh kare

karb-e-taḳhlīq meñ Duubī huī āvāz haiñ ham

dahr ke dil meñ utartā hai jo nashtar kī tarah

lab-e-fitrat kā vahī naġhma-e-e.ajāz haiñ ham

rāt-din khulte haiñ asrār-e-do-ālam ham se

apne aalam meñ magar aaj bhī ik 'rāz' haiñ ham

nazm-e-hazir ka badalta hua andaz hain hum

ghaur se sun ki nae daur ki aawaz hain hum

jaane kab pahunchegi anjam ko tahzib-e-bashar

baad sadiyon ke bhi aaghaz hi aaghaz hain hum

bajti rahti hai nae git ki sargam dil mein

be-nawai mein bhi bajta hua ek saz hain hum

hadiya-e-gosh-e-samaat hi koi pesh kare

karb-e-taKHliq mein Dubi hui aawaz hain hum

dahr ke dil mein utarta hai jo nashtar ki tarah

lab-e-fitrat ka wahi naghma-e-eajaz hain hum

raat-din khulte hain asrar-e-do-alam hum se

apne aalam mein magar aaj bhi ek 'raaz' hain hum