nazren jo us tannaz ki hum par Thahar gain

nazreñ jo us tannāz kī ham par Thahar ga.iiñ

kaliyāñ hamāre haath se do chaar gir ga.iiñ

marne ke baa'd aur bhī kuchh sānahe hue

saḌkeñ mirī aziiz kitāboñ se bhar ga.iiñ

kuchh gir paḌe zamīn pe kuchh nīm-jāñ hue

āñkheñ hamāre yaar kī kyā kyā na kar ga.iiñ

laa.ī hai aise moḌ pa ye zindagī hameñ

jaane hazāroñ ḳhvāhisheñ rāhoñ meñ mar ga.iiñ

us shoḳh dil-fareb kī āñkheñ bhī haiñ fareb

ghāyal diloñ meñ Duub ke kis kis ke ghar ga.iiñ

jaise hī paa.eñ baaġh meñ us ne kiyā ḳhirām

bechain titliyāñ bhī idhar se udhar ga.iiñ

'barham' rumūz-e-ishq na ham par kabhī khule

kyā kyā qayāmateñ thiiñ jo dil par guzar ga.iiñ

nazren jo us tannaz ki hum par Thahar gain

kaliyan hamare hath se do chaar gir gain

marne ke ba'd aur bhi kuchh sanahe hue

saDken meri aziz kitabon se bhar gain

kuchh gir paDe zamin pe kuchh nim-jaan hue

aankhen hamare yar ki kya kya na kar gain

lai hai aise moD pa ye zindagi hamein

jaane hazaron KHwahishen rahon mein mar gain

us shoKH dil-fareb ki aankhen bhi hain fareb

ghayal dilon mein Dub ke kis kis ke ghar gain

jaise hi paen bagh mein us ne kiya KHiram

bechain titliyan bhi idhar se udhar gain

'barham' rumuz-e-ishq na hum par kabhi khule

kya kya qayamaten thin jo dil par guzar gain