nazron ke gird yun to koi daera na tha
nazroñ ke gird yuuñ to koī dā.era na thā
apne sivā.e kuchh bhī magar sūjhtā na thā
sab khiḌkiyāñ thiiñ band koī dar khulā na thā
jaate kahāñ ki ḳhud se pare rāsta na thā
kyā jaane kis ḳhayāl se chup ho ke rah gayā
aisā nahīñ ki ġham mujhe pahchāntā na thā
hoñToñ ke paas aa na sakā jaam umr-bhar
hālāñki fāsla ye koī fāsla na thā
vo jis ne zindagī kā mirī ruḳh badal diyā
vo aap the huzūr koī dūsrā na thā
pūchhī kisī ne raah to chup ho ke rah ga.e
kahte bhī kyā ki ḳhud hameñ apnā pata na thā
ab ke kuchh is tarah se bhī aa.ī 'kañval' bahār
saare chaman meñ ek bhī patta harā na thā
nazron ke gird yun to koi daera na tha
apne siwae kuchh bhi magar sujhta na tha
sab khiDkiyan thin band koi dar khula na tha
jate kahan ki KHud se pare rasta na tha
kya jaane kis KHayal se chup ho ke rah gaya
aisa nahin ki gham mujhe pahchanta na tha
honTon ke pas aa na saka jam umr-bhar
haalanki fasla ye koi fasla na tha
wo jis ne zindagi ka meri ruKH badal diya
wo aap the huzur koi dusra na tha
puchhi kisi ne rah to chup ho ke rah gae
kahte bhi kya ki KHud hamein apna pata na tha
ab ke kuchh is tarah se bhi aai 'kanwal' bahaar
sare chaman mein ek bhi patta hara na tha
- Book : SAAZ-O-NAVA (Pg. 29)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
