nazron ki zid se yun to main ghafil nahin raha

nazroñ kī zid se yuuñ to maiñ ġhāfil nahīñ rahā

pahlū meñ ai 'mushīr' magar dil nahīñ rahā

ai dil tasavvurāt kā hāsil nahīñ rahā

koī mirī nazar ke muqābil nahīñ rahā

maujoñ pe e'timād na kyuuñ kar kare koī

sāhil to e'tibār ke qābil nahīñ rahā

ādāb-e-bazm-e-nāz pe ai dil nazar to hai

maanā ki dard zabt ke qābil nahīñ rahā

vo chashm-e-ishva-kār hai āmāda-e-karam

ab dard e'tibār ke qābil nahīñ rahā

jalvoñ kā ehtirām nigāhoñ meñ hai 'mushīr'

maiñ apne farz se kabhī ġhāfil nahīñ rahā

nazron ki zid se yun to main ghafil nahin raha

pahlu mein ai 'mushir' magar dil nahin raha

ai dil tasawwuraat ka hasil nahin raha

koi meri nazar ke muqabil nahin raha

maujon pe e'timad na kyun kar kare koi

sahil to e'tibar ke qabil nahin raha

aadab-e-bazm-e-naz pe ai dil nazar to hai

mana ki dard zabt ke qabil nahin raha

wo chashm-e-ishwa-kar hai aamada-e-karam

ab dard e'tibar ke qabil nahin raha

jalwon ka ehtiram nigahon mein hai 'mushir'

main apne farz se kabhi ghafil nahin raha