nazron se gulon ki nau-nihaalo

nazroñ se guloñ kī nau-nihālo

shabnam kī tarah girā sañbhālo

maano rah-e-sarkashī nikālo

pagḌī mah-o-mehr kī uchhālo

sayyād ḳhafā hai bulbul-o-kabk

ḳhāmosh raho na bolo-chālo

asnām meñ shān-e-haq 'ayāñ hai

āñkheñ haiñ to un ko dekho-bhālo

Thahro koī dam ke mehmān haiñ

chalte to haiñ ham bhī chalne vaalo

mushtāq-laqā hai ik ḳhudā.ī

ab va.ada hashr par na Taalo

jhūTe vo tum ai gulo ho barsoñ

be-dūdh jo tifl-e-ġhuncha pā lo

chhalnī yūñhī dil hai nīsh-e-ġham se

mizhgāñ kī na barchhiyāñ sañbhālo

holī na.e qumqumoñ se khelo

par ḳhūn-e-dil-e-āshiqāñ uchhālo

maarā hī jo 'shād' ko hasīno

ḳhātir se ġhubār to nikālo

nazron se gulon ki nau-nihaalo

shabnam ki tarah gira sanbhaalo

mano rah-e-sarkashi nikalo

pagDi mah-o-mehr ki uchhaalo

sayyaad KHafa hai bulbul-o-kabk

KHamosh raho na bolo-chaalo

asnam mein shan-e-haq 'ayan hai

aankhen hain to un ko dekho-bhaalo

Thahro koi dam ke mehman hain

chalte to hain hum bhi chalne walo

mushtaq-laqa hai ek KHudai

ab wada hashr par na Talo

jhuTe wo tum ai gulo ho barson

be-dudh jo tifl-e-ghuncha pa lo

chhalni yunhi dil hai nish-e-gham se

mizhgan ki na barchhiyan sanbhaalo

holi nae qumqumon se khelo

par KHun-e-dil-e-ashiqan uchhaalo

mara hi jo 'shad' ko hasino

KHatir se ghubar to nikalo