ne shahriyon mein hain na bayabaniyon mein hum

ne shahriyoñ meñ haiñ na bayābāniyoñ meñ ham

āzād haiñ pa haiñ tire zindāniyoñ meñ ham

jin kā nazīr dast-e-qazā se na ban sakā

insāf ho to haiñ unhī lā-sāniyoñ meñ ham

dariyā kī lahroñ se ye ayaañ hai ki juuñ hubāb

rakhte haiñ dil ko jam.a pareshāniyoñ meñ ham

rashkūk mere ashk ke le us ne yuuñ kahā

in motiyoñ ko Dāleñge chaudāniyoñ meñ ham

ab tā.irān-e-dasht ke haiñ ham-nashīd-e-dard

karte the zamzame kabhī bustāniyoñ meñ ham

ai teġh-e-nāz tū ne ye kaisā sitam kyā

be-zab.h rah ga.e tire qurbāniyoñ meñ ham

jis jā paḌe haiñ kushte tire un ke jo nasīm

bose hī dete phirte haiñ peshāniyoñ meñ ham

sau ii.deñ aa.iiñ aur huā ham ko hukm-e-qatl

kyā nā-qubūl haiñ tire zindāniyoñ meñ ham

ai shahsavār-e-husn inaañ le ki pis ga.e

tere samand-e-nāz kī jaulāniyoñ meñ ham

mudrik haiñ juz o kul ke pa rahte haiñ raat din

us kār-gāh-e-san.a kī hairāniyoñ meñ ham

kashtī shikast-ḳhurda-e-dariyā-e-ishq haiñ

jaate haiñ tirte Dūbte tūfāniyoñ meñ ham

muhtāj-e-marg kaahe ko phir hoveñ 'mus.hafī'

jiite hī jī jo baiThe hoñ rūhāniyoñ meñ ham

ne shahriyon mein hain na bayabaniyon mein hum

aazad hain pa hain tere zindaniyon mein hum

jin ka nazir dast-e-qaza se na ban saka

insaf ho to hain unhi la-saniyon mein hum

dariya ki lahron se ye ayan hai ki jun hubab

rakhte hain dil ko jama pareshaniyon mein hum

rashkuk mere ashk ke le us ne yun kaha

in motiyon ko Dalenge chaudaniyon mein hum

ab tairan-e-dasht ke hain ham-nashid-e-dard

karte the zamzame kabhi bustaniyon mein hum

ai tegh-e-naz tu ne ye kaisa sitam kya

be-zabh rah gae tere qurbaniyon mein hum

jis ja paDe hain kushte tere un ke jo nasim

bose hi dete phirte hain peshaniyon mein hum

sau iden aain aur hua hum ko hukm-e-qatl

kya na-qubul hain tere zindaniyon mein hum

ai shahsawar-e-husn inan le ki pis gae

tere samand-e-naz ki jaulaniyon mein hum

mudrik hain juz o kul ke pa rahte hain raat din

us kar-gah-e-sana ki hairaniyon mein hum

kashti shikast-KHurda-e-dariya-e-ishq hain

jate hain tirte Dubte tufaniyon mein hum

muhtaj-e-marg kahe ko phir howen 'mushafi'

jite hi ji jo baiThe hon ruhaniyon mein hum