neki badi ki ab koi mizan hi nahin

nekī badī kī ab koī mīzān hī nahīñ

īmāñ kī baat ye hai ki īmān hī nahīñ

is daur-e-be-zamīr pe kyā tabsira karūñ

lagtā hai mere ahd meñ insān hī nahīñ

kaise rafū karūñ maiñ kahāñ se rafū karūñ

dil bhī hai merā chaak garebān hī nahīñ

rūdād-e-dil bhī hai ye ġham-e-kā.enāt bhī

merī ġhazal nashāt kā sāmān hī nahīñ

barakat hamāre rizq meñ aa.egī kis tarah

ghar meñ hamāre jab koī mehmān hī nahīñ

lo vo azaañ se sub.h kī tasdīq ho ga.ī

goyā ab us ke aane kā imkān hī nahīñ

neki badi ki ab koi mizan hi nahin

iman ki baat ye hai ki iman hi nahin

is daur-e-be-zamir pe kya tabsira karun

lagta hai mere ahd mein insan hi nahin

kaise rafu karun main kahan se rafu karun

dil bhi hai mera chaak gareban hi nahin

rudad-e-dil bhi hai ye gham-e-kaenat bhi

meri ghazal nashat ka saman hi nahin

barakat hamare rizq mein aaegi kis tarah

ghar mein hamare jab koi mehman hi nahin

lo wo azan se subh ki tasdiq ho gai

goya ab us ke aane ka imkan hi nahin