neze kī bulandī pe hai sar ḳham to nahīñ hai
ye shaan ye tauqīr bhī kuchh kam to nahīñ hai
shab bhar koī royā hai sar-e-fasl-e-bahārāñ
ye barg-e-gul-o-lāla pe shabnam to nahīñ hai
sad shukr ki khil uTThe mire zaḳhm-e-jigar aur
ye tanziya pursish tirī marham to nahīñ hai
ab bhī vahī duniyā hai manāzir bhī vahī haiñ
dil kā magar ab pahle sā aalam to nahīñ hai
ya.anī ki abhī ḳham nahīñ sar pesh-e-salāsil
naġhmāt kī lai ūñchī hai maddham to nahīñ hai
barsoñ use sīñchā hai lahū de ke kisī ne
gulshan kī ye miTTī bhī yuuñ hī nam to nahīñ hai
gar zād-e-safar azm-e-javāñ ho to 'sharīf' aaj
hai ziist jo do din kī to kuchh kam to nahīñ hai
neze ki bulandi pe hai sar KHam to nahin hai
ye shan ye tauqir bhi kuchh kam to nahin hai
shab bhar koi roya hai sar-e-fasl-e-bahaaran
ye barg-e-gul-o-lala pe shabnam to nahin hai
sad shukr ki khil uTThe mere zaKHm-e-jigar aur
ye tanziya pursish teri marham to nahin hai
ab bhi wahi duniya hai manazir bhi wahi hain
dil ka magar ab pahle sa aalam to nahin hai
yani ki abhi KHam nahin sar pesh-e-salasil
naghmat ki lai unchi hai maddham to nahin hai
barson use sincha hai lahu de ke kisi ne
gulshan ki ye miTTi bhi yun hi nam to nahin hai
gar zad-e-safar azm-e-jawan ho to 'sharif' aaj
hai zist jo do din ki to kuchh kam to nahin hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.