nigah aasi ki roz-e-mahshar amin-e-rahmat ko tak rahi hai

nigāh aasī kī roz-e-mahshar amīn-e-rahmat ko tak rahī hai

ajiib aalam hai bekasī kā nazar se hasrat Tapak rahī hai

mirī nazar fikr-e-ma.asiyat se rahīn-e-ġham aaj tak rahī hai

tumhī se vābasta haiñ umīdeñ tumhārī sūrat ko tak rahī hai

mujhe ho kyā ḳhauf-e-roz-e-mahshar ki zer-e-dāmān-e-mustafā huuñ

ḳhudā kī rahmat se merī duniyā mahak rahī hai lahak rahī hai

farishte kaise azal meñ har shai tumhārī azmat ko jhuk ga.ī thī

nigāh-e-iblīs meñ abhī tak vahī to azmat khaTak rahī hai

ḳhalīl kī jur.atoñ ko samjho sharār-e-namrūd ko na dekho

junūñ ne manzil ko pā liyā hai ḳhirad abhī tak bhaTak rahī hai

tumhāre lutf-o-karam kā sadqa hai donoñ aalam meñ kār-farmā

chaman chaman khil rahī haiñ kaliyāñ fazā-e-ālam mahak rahī hai

naved ai tishnigān-e-bāda hai josh par ab karam kā dariyā

ki chashm-e-sāqī se rūh-e-kausar ubal rahī hai jhalak rahī hai

vo dhar ke aaya hai abr-e-rahmat gunāhgāroñ ke sar pe 'zaidī'

darīche jannat ke khul ga.e haiñ sar apnā zulmat paTak rahī hai

nigah aasi ki roz-e-mahshar amin-e-rahmat ko tak rahi hai

ajib aalam hai bekasi ka nazar se hasrat Tapak rahi hai

meri nazar fikr-e-masiyat se rahin-e-gham aaj tak rahi hai

tumhi se wabasta hain umiden tumhaari surat ko tak rahi hai

mujhe ho kya KHauf-e-roz-e-mahshar ki zer-e-daman-e-mustafa hun

KHuda ki rahmat se meri duniya mahak rahi hai lahak rahi hai

farishte kaise azal mein har shai tumhaari azmat ko jhuk gai thi

nigah-e-iblis mein abhi tak wahi to azmat khaTak rahi hai

KHalil ki juraton ko samjho sharar-e-namrud ko na dekho

junun ne manzil ko pa liya hai KHirad abhi tak bhaTak rahi hai

tumhaare lutf-o-karam ka sadqa hai donon aalam mein kar-farma

chaman chaman khil rahi hain kaliyan faza-e-alam mahak rahi hai

nawed ai tishnigan-e-baada hai josh par ab karam ka dariya

ki chashm-e-saqi se ruh-e-kausar ubal rahi hai jhalak rahi hai

wo dhar ke aaya hai abr-e-rahmat gunahgaron ke sar pe 'zaidi'

dariche jannat ke khul gae hain sar apna zulmat paTak rahi hai