nigah-e-mast ka kaif-e-KHumar kya kahiye

nigāh-e-mast kā kaif-e-ḳhumār kyā kahiye

bahār goyā hai andar bahār kyā kahiye

ma.āl-e-husn-parastī-e-yār kyā kahiye

nazar nazar hai mirī jalva yaar kyā kahiye

qadam qadam pe nigāhoñ ne Thokareñ khā.īñ

fareb-e-jalva-e-rañgīñ-bahār kyā kahiye

ye intizār kisī kā are ma'āz-allāh

luTā chukā huuñ matā.a-e-qarār kyā kahiye

unheñ ḳhayāl kī mahfil meñ DhūñDne niklī

mirī nazar kā ġhalat e'tibār kyā kahiye

hameñ ishāra-e-kun ke fareb ne maarā

jahāñ meñ aa ga.e dīvāna-vār kyā kahiye

har ek zarre meñ ik tuur kar liyā paidā

nigāh-e-shauq tirā eqtidār kyā kahiye

patiñge roz hazāroñ banā.e jaate haiñ

mirā taqaddus-e-ḳhāk-e-mazār kyā kahiye

sitam to ye hai ki ham ḳhud sitam ke ḳhūgar haiñ

shikāyat-e-sitam-rozgār kyā kahiye

nigah-e-mast ka kaif-e-KHumar kya kahiye

bahaar goya hai andar bahaar kya kahiye

maal-e-husn-parasti-e-yar kya kahiye

nazar nazar hai meri jalwa yar kya kahiye

qadam qadam pe nigahon ne Thokaren khain

fareb-e-jalwa-e-rangin-bahaar kya kahiye

ye intizar kisi ka are ma'az-allah

luTa chuka hun mataa-e-qarar kya kahiye

unhen KHayal ki mahfil mein DhunDne nikli

meri nazar ka ghalat e'tibar kya kahiye

hamein ishaara-e-kun ke fareb ne mara

jahan mein aa gae diwana-war kya kahiye

har ek zarre mein ek tur kar liya paida

nigah-e-shauq tera eqtidar kya kahiye

patinge roz hazaron banae jate hain

mera taqaddus-e-KHak-e-mazar kya kahiye

sitam to ye hai ki hum KHud sitam ke KHugar hain

shikayat-e-sitam-rozgar kya kahiye