nigah-e-naz se kuchh is tarah ishaare hue

nigāh-e-nāz se kuchh is tarah ishāre hue

kabhī vo sūrat-e-gul aur kabhī sitāre hue

thake thake se chale aa.e ham sar-e-mahfil

qadam qadam ruḳh-e-raushan pe ġham sañvāre hue

vo phuul jo ki amānat the ashk-e-avval ke

chaman meñ jaise kisī shāḳh se utāre hue

bhañvar se koī shikāyat nahīñ rahī ham ko

hamāre bas meñ kināre hī kab kināre hue

ki dard-e-dil se guzar kar kahāñ panah milī

ab aur bhī dil-e-pur-soz ke sahāre hue

mire nasīb ne dikhlā.e rang yuuñ 'resham'

jinheñ maiñ phuul samajhtī thī sab sharāre hue

nigah-e-naz se kuchh is tarah ishaare hue

kabhi wo surat-e-gul aur kabhi sitare hue

thake thake se chale aae hum sar-e-mahfil

qadam qadam ruKH-e-raushan pe gham sanware hue

wo phul jo ki amanat the ashk-e-awwal ke

chaman mein jaise kisi shaKH se utare hue

bhanwar se koi shikayat nahin rahi hum ko

hamare bas mein kinare hi kab kinare hue

ki dard-e-dil se guzar kar kahan panah mili

ab aur bhi dil-e-pur-soz ke sahaare hue

mere nasib ne dikhlae rang yun 'resham'

jinhen main phul samajhti thi sab sharare hue