nigah-e-shauq ko phir lutf-e-be-hisab mile

nigāh-e-shauq ko phir lutf-e-be-hisāb mile

ḳhudā kare ki tujhe dā.imī shabāb mile

tamām umr mujassam savāl ban ke rahe

tamām umr ye ḳhvāhish rahī javāb mile

mirī nazar se tire pur-fusūñ nazāroñ tak

ka.ī rukāvaTeñ aa.iiñ ka.ī hijāb mile

alam ke dard ke sadmāt ke tasanño ke

ruḳh-e-hayāt pe aise hī kuchh naqāb mile

mire ḳhutūt kā maqsad ḳhitāb thā tum se

mire ḳhutūt kā manshā na thā javāb mile

baġhaur paḌhte rahe us ko is liye 'raushan'

kitāb-e-zīst meñ shāyad ḳhushī kā baab mile

nigah-e-shauq ko phir lutf-e-be-hisab mile

KHuda kare ki tujhe daimi shabab mile

tamam umr mujassam sawal ban ke rahe

tamam umr ye KHwahish rahi jawab mile

meri nazar se tere pur-fusun nazaron tak

kai rukawaTen aain kai hijab mile

alam ke dard ke sadmat ke tasanno ke

ruKH-e-hayat pe aise hi kuchh naqab mile

mere KHutut ka maqsad KHitab tha tum se

mere KHutut ka mansha na tha jawab mile

baghaur paDhte rahe us ko is liye 'raushan'

kitab-e-zist mein shayad KHushi ka bab mile