nigah-e-shauq mein sauda-e-justaju kya hai

nigāh-e-shauq meñ saudā-e-justajū kyā hai

dil-e-shikasta meñ ab aur aarzū kyā hai

nahīñ hai shart koī zauq-e-mai-kashī ke liye

nigāh-e-rind meñ mai-ḳhāna kyā subū kyā hai

bahār shart hai gulshan meñ zindagī ke liye

guloñ ke naam pe tafrīq-e-rang-o-bū kyā hai

payām-e-amn-o-mohabbat jo le ke aa.e the

unhīñ se pūchho ye har samt hāo-hū kyā hai

ajiib aap kā e.ajāz-e-vaza-dārī hai

har ek baat meñ kahte ho tum ki tū kyā hai

nigah meñ bulbul-o-gulchīñ kī hai vaqār abhī

vagarna phūloñ kī gulshan meñ aabrū kyā hai

na koī shauq na hasrat na justujū na ḳhalish

bisāt-e-raqs pe bismil kī aarzū kyā hai

nigah-e-shauq mein sauda-e-justaju kya hai

dil-e-shikasta mein ab aur aarzu kya hai

nahin hai shart koi zauq-e-mai-kashi ke liye

nigah-e-rind mein mai-KHana kya subu kya hai

bahaar shart hai gulshan mein zindagi ke liye

gulon ke nam pe tafriq-e-rang-o-bu kya hai

payam-e-amn-o-mohabbat jo le ke aae the

unhin se puchho ye har samt hao-hu kya hai

ajib aap ka eajaz-e-waza-dari hai

har ek baat mein kahte ho tum ki tu kya hai

nigah mein bulbul-o-gulchin ki hai waqar abhi

wagarna phulon ki gulshan mein aabru kya hai

na koi shauq na hasrat na justuju na KHalish

bisat-e-raqs pe bismil ki aarzu kya hai