nigah-o-dil ko jalane ka hausla to karo

nigāh-o-dil ko jalāne kā hausla to karo

uThā ke parde haqīqat kā sāmnā to karo

bisāt-e-raqs pe naġhmoñ se khelne vaalo

kisī ġharīb kī fariyād bhī sunā to karo

kisī ke aib tumheñ phir nazar na ā.eñge

ḳhud apne aap ko tafsīl se paḌhā to karo

vo zindagī ke liye ho ki ho ajal ke liye

hamāre haq meñ kabhī tum koī duā to karo

dikhā.ī deñge hameñ ham tumhāre chehre meñ

nazar ke sāmne ik baar aa.ina to karo

majāz ḳhud hī haqīqat kā ruup Dhālegā

ye shart hai ki haq-e-bandagī adā to karo

hamārī aañkh meñ sūraj ko DhūñDne vaalo

tum apne dil ko ujāloñ se āshnā to karo

maiñ kā.enāt kī har shai ko chhoḌ saktā huuñ

tum apne dard-e-mohabbat se āshnā to karo

bahut tavīl sahī shab tumhārī zulfoñ kī

'sahar' ko in ke ujāloñ se āshnā to karo

nigah-o-dil ko jalane ka hausla to karo

uTha ke parde haqiqat ka samna to karo

bisat-e-raqs pe naghmon se khelne walo

kisi gharib ki fariyaad bhi suna to karo

kisi ke aib tumhein phir nazar na aaenge

KHud apne aap ko tafsil se paDha to karo

wo zindagi ke liye ho ki ho ajal ke liye

hamare haq mein kabhi tum koi dua to karo

dikhai denge hamein hum tumhaare chehre mein

nazar ke samne ek bar aaina to karo

majaz KHud hi haqiqat ka rup Dhaalega

ye shart hai ki haq-e-bandagi ada to karo

hamari aankh mein suraj ko DhunDne walo

tum apne dil ko ujalon se aashna to karo

main kaenat ki har shai ko chhoD sakta hun

tum apne dard-e-mohabbat se aashna to karo

bahut tawil sahi shab tumhaari zulfon ki

'sahar' ko in ke ujalon se aashna to karo