nigahon ko bala ki tishnagi hai

nigāhoñ ko balā kī tishnagī hai

unheñ dekhe baḌī muddat huī hai

ḳhudā-hāfiz tirā ai rāhat-e-dil

tabī.at phir kisī par aa ga.ī hai

tamanna yaas hasrat be-qarārī

hamāre paas kis shai kī kamī hai

javānī meñ ḳhayāl-e-tark-e-ulfat

haqīqat meñ sarāsar ḳhud-kushī hai

mohabbat ko tirī kyoñ kar bhulā duuñ

isī par inhisār-e-zindagī hai

mohabbat hī faqat hai jāvedānī

yahāñ hai aur jo kuchh aarzī hai

guzārī umr jis kī justujū meñ

ġhazab hai vo abhī tak ajnabī hai

kisī ke dil meñ apnā ghar banā lo

bahut hī muḳhtasar ye zindagī hai

mire haq meñ to qātil se nahīñ kam

jise duniyā masīhā kah rahī hai

'bahār' ab aur kyā hai paas apne

yahī le de ke sher-o-shā.erī hai

nigahon ko bala ki tishnagi hai

unhen dekhe baDi muddat hui hai

KHuda-hafiz tera ai rahat-e-dil

tabiat phir kisi par aa gai hai

tamanna yas hasrat be-qarari

hamare pas kis shai ki kami hai

jawani mein KHayal-e-tark-e-ulfat

haqiqat mein sarasar KHud-kushi hai

mohabbat ko teri kyon kar bhula dun

isi par inhisar-e-zindagi hai

mohabbat hi faqat hai jawedani

yahan hai aur jo kuchh aarzi hai

guzari umr jis ki justuju mein

ghazab hai wo abhi tak ajnabi hai

kisi ke dil mein apna ghar bana lo

bahut hi muKHtasar ye zindagi hai

mere haq mein to qatil se nahin kam

jise duniya masiha kah rahi hai

'bahaar' ab aur kya hai pas apne

yahi le de ke sher-o-shaeri hai