nigar-e-zindagani mein sahaare lauT kar aae

nigār-e-zindagānī meñ sahāre lauT kar aa.e

fasīl-e-shām par raushan sitāre lauT kar aa.e

tumhārā saath merī saltanat kā ik ḳhazāna thā

tumhāre chhoḌ jaane par ḳhasāre lauT kar aa.e

jo Dhaltī umr kī had par nayā ahd-e-vafā bāñdhā

ḳhizāoñ se bahāroñ ke nazāre lauT kar aa.e

vo jin ko pyaar thā apne vatan ke zarre zarre se

vo maañ kī jholiyoñ meñ kab dulāre lauT kar aa.e

na toḌā rishta-e-ummīd tund-o-tez maujoñ meñ

bhañvar meñ nāḳhudā ban kar kināre lauT kar aa.e

charāġh-e-nīm-jāñ ab laḌ rahā hai āḳhirī pal se

ġhanīmat hai mohabbat ke ishāre lauT kar aa.e

maiñ 'tābish' muddatoñ se barf kī bastī kā baasī huuñ

maiñ ḳhush huuñ merī jānib jo sharāre lauT kar aa.e

nigar-e-zindagani mein sahaare lauT kar aae

fasil-e-sham par raushan sitare lauT kar aae

tumhaara sath meri saltanat ka ek KHazana tha

tumhaare chhoD jaane par KHasare lauT kar aae

jo Dhalti umr ki had par naya ahd-e-wafa bandha

KHizaon se bahaaron ke nazare lauT kar aae

wo jin ko pyar tha apne watan ke zarre zarre se

wo man ki jholiyon mein kab dulare lauT kar aae

na toDa rishta-e-ummid tund-o-tez maujon mein

bhanwar mein naKHuda ban kar kinare lauT kar aae

charagh-e-nim-jaan ab laD raha hai aaKHiri pal se

ghanimat hai mohabbat ke ishaare lauT kar aae

main 'tabish' muddaton se barf ki basti ka basi hun

main KHush hun meri jaanib jo sharare lauT kar aae