nihaal-e-umr se be-waqt jhaDne walon ko

nihāl-e-umr se be-vaqt jhaḌne vāloñ ko

sabā vidā.a na karnā bichhaḌne vāloñ ko

udāsiyāñ bhī muqaddas agar tasarruf ho

firāq izn-e-hunar hai ujaḌne vāloñ ko

kahāñ utaar gayā sail-e-rang kyā mālūm

na.ī rutoñ meñ jaḌoñ se ukhaḌne vāloñ ko

gharoñ kī yaad dilātī hai kasmasātī havā

dayār-e-ġhair meñ ujrat pe laḌne vāloñ ko

duā karo ki ḳhudā silsila bahāl rakhe

uThā rahī hai zamīñ paañv paḌne vāloñ ko

nujūm bujhte hī palkoñ kī chhāñv meñ āñkheñ

duā.eñ detī haiñ yāqūt jaḌne vāloñ ko

nihaal-e-umr se be-waqt jhaDne walon ko

saba widaa na karna bichhaDne walon ko

udasiyan bhi muqaddas agar tasarruf ho

firaq izn-e-hunar hai ujaDne walon ko

kahan utar gaya sail-e-rang kya malum

nai ruton mein jaDon se ukhaDne walon ko

gharon ki yaad dilati hai kasmasati hawa

dayar-e-ghair mein ujrat pe laDne walon ko

dua karo ki KHuda silsila bahaal rakhe

uTha rahi hai zamin panw paDne walon ko

nujum bujhte hi palkon ki chhanw mein aankhen

duaen deti hain yaqut jaDne walon ko