nind ke zindan mein koi rasta banne laga

niiñd ke zindāñ meñ koī rāsta banñe lagā

ḳhvāb imkāñ ke darīche kī havā banñe lagā

jab miTā.e aur abjad ājizī ke haath ne

rafta rafta dil mirā harf-e-duā banñe lagā

vāqi.oñ kī Dor meñ kuchh der girheñ Daal kar

vaqt pīchhe haT gayā aur hādisa banñe lagā

dūsroñ se ek jaisā fāsla rakhte hue

maiñ ta.alluq ke safar meñ dā.era banñe lagā

zindagī kī aas ehrāmoñ meñ chakrāne lagī

bandagī kartā huā but jab ḳhudā banñe lagā

aks-e-imkāñ jam gayā ummīd kī dīvār par

jā-ba-jā dar kī jagah ik aa.ina banñe lagā

parvarish is dard kī mujh ko bahut mahñgī paḌī

dekhte hī dekhte jis kī ġhizā banñe lagā

vaqt kī tasvīr to puurī na ho paa.ī magar

ik nazāra aur manzar se varā banñe lagā

phir se ā.īn-e-havā par guftugū hone lagī

saañs lene ke liye kuliya nayā banñe lagā

nind ke zindan mein koi rasta banne laga

KHwab imkan ke dariche ki hawa banne laga

jab miTae aur abjad aajizi ke hath ne

rafta rafta dil mera harf-e-dua banne laga

waqion ki Dor mein kuchh der girhen Dal kar

waqt pichhe haT gaya aur hadisa banne laga

dusron se ek jaisa fasla rakhte hue

main talluq ke safar mein daera banne laga

zindagi ki aas ehramon mein chakrane lagi

bandagi karta hua but jab KHuda banne laga

aks-e-imkan jam gaya ummid ki diwar par

ja-ba-ja dar ki jagah ek aaina banne laga

parwarish is dard ki mujh ko bahut mahngi paDi

dekhte hi dekhte jis ki ghiza banne laga

waqt ki taswir to puri na ho pai magar

ek nazara aur manzar se wara banne laga

phir se aain-e-hawa par guftugu hone lagi

sans lene ke liye kuliya naya banne laga