nind ki aankh-micholi se maza lete hain
niiñd kī āñkh-mīcholī se mazā lete haiñ
pheñk dete haiñ kitāboñ ko uThā lete haiñ
bhūla-bhaTkā sā musāfir koī shāyad mil jaa.e
do qadam chalte haiñ āvāz lagā lete haiñ
abr ke TukḌoñ meñ ḳhurshīd ghirā ho jaise
kahīñ kahte haiñ kahīñ baat chhupā lete haiñ
āñdhiyāñ tez chaleñgī to añdherā hogā
ḳhud bhī aise meñ charāġhoñ ko bujhā lete haiñ
varaq-e-zīst ko rakhnā bhī hai saada 'mahshar'
hāl-e-ġham likhte haiñ aur ashk bahā lete haiñ
nind ki aankh-micholi se maza lete hain
phenk dete hain kitabon ko uTha lete hain
bhula-bhaTka sa musafir koi shayad mil jae
do qadam chalte hain aawaz laga lete hain
abr ke TukDon mein KHurshid ghira ho jaise
kahin kahte hain kahin baat chhupa lete hain
aandhiyan tez chalengi to andhera hoga
KHud bhi aise mein charaghon ko bujha lete hain
waraq-e-zist ko rakhna bhi hai sada 'mahshar'
haal-e-gham likhte hain aur ashk baha lete hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
