nind muddat se ji churae hue

niiñd muddat se jī churā.e hue

aur sitāre gine ginā.e hue

shab ke aane pe aañkh kholeñge

ham ujāloñ se ḳhauf khaa.e hue

shart sāñsoñ kī ḳhāmushī hai aur

dil hai dhak dhak kī raT lagā.e hue

aa.ina dekhte nahīñ ham ab

yaad aa jaate haiñ bhulā.e hue

ḳhauf rahtā nahīñ bichhaḌne kā

ham haiñ ik fāsla banā.e hue

haa.e ab jā ke ye khulā ham pe

ham the patthar se sar Tikā.e hue

ḳhushbueñ deñge rang deñge gulāb

dard kyā deñge dard paa.e hue

rāstā āhaToñ kā takne meñ

aañkh bīnā.ī hai gañvā.e hue

saath apne tujhe zamāna huā

baiTh kar chaar pal bitā.e hue

nind muddat se ji churae hue

aur sitare gine ginae hue

shab ke aane pe aankh kholenge

hum ujalon se KHauf khae hue

shart sanson ki KHamushi hai aur

dil hai dhak dhak ki raT lagae hue

aaina dekhte nahin hum ab

yaad aa jate hain bhulae hue

KHauf rahta nahin bichhaDne ka

hum hain ek fasla banae hue

hae ab ja ke ye khula hum pe

hum the patthar se sar Tikae hue

KHushbuen denge rang denge gulab

dard kya denge dard pae hue

rasta aahaTon ka takne mein

aankh binai hai ganwae hue

sath apne tujhe zamana hua

baiTh kar chaar pal bitae hue