nindon se mere KHwab chura kar chala gaya

nīñdoñ se mere ḳhvāb churā kar chalā gayā

aaya mirī hayāt meñ aa kar chalā gayā

hamvār jis ke rāste kartī rahī sadā

kāñTe vo merī rah meñ bichhā kar chalā gayā

palkoñ pe jis ko maiñ ne biThāyā thā umr-bhar

ḳhud ko mirī nazar meñ girā kar chalā gayā

kahtā thā tere lab pe sajā.ūñgā qahqahe

ik din vo shaḳhs mujh ko rulā kar chalā gayā

jab mausam-e-visāl kī mujh ko talab huī

hāthoñ se mere haath chhuḌā kar chalā gayā

ai sar-phirī havā maiñ bhalā tujh se kyā kahūñ

āñchal ko terā jhoñkā uḌā kar chalā gayā

'gulfām' maiñ ne jis ko tarāshā thā umr-bhar

vo shaḳhs merī hastī miTā kar chalā gayā

nindon se mere KHwab chura kar chala gaya

aaya meri hayat mein aa kar chala gaya

hamwar jis ke raste karti rahi sada

kanTe wo meri rah mein bichha kar chala gaya

palkon pe jis ko main ne biThaya tha umr-bhar

KHud ko meri nazar mein gira kar chala gaya

kahta tha tere lab pe sajaunga qahqahe

ek din wo shaKHs mujh ko rula kar chala gaya

jab mausam-e-visal ki mujh ko talab hui

hathon se mere hath chhuDa kar chala gaya

ai sar-phiri hawa main bhala tujh se kya kahun

aanchal ko tera jhonka uDa kar chala gaya

'gulfam' main ne jis ko tarasha tha umr-bhar

wo shaKHs meri hasti miTa kar chala gaya