nikalne ko wahi roz-o-shab dafine se
nikālne ko vahī roz-o-shab dafīne se
utar rahā huuñ dabe paañv ziine ziine se
na haath rakhne se kāġhaz ḳhamosh ho paayā
na shor ghaT sakā lafzoñ ke hoñT siine se
mujhe to kyā mirī āñkhoñ ko bhī ḳhabar na huī
bikhar rahā thā mirā ḳhvāb kis qarīne se
ḳhabar na thī ki jhukā degā mere shānoñ ko
jo bojh ghaTtā chalā jā rahā thā siine se
maiñ terī yaad bhī dil se nikāltā lekin
lipaT chukā hai koī azhdahā ḳhazīne se
nikalne ko wahi roz-o-shab dafine se
utar raha hun dabe panw zine zine se
na hath rakhne se kaghaz KHamosh ho paya
na shor ghaT saka lafzon ke honT sine se
mujhe to kya meri aankhon ko bhi KHabar na hui
bikhar raha tha mera KHwab kis qarine se
KHabar na thi ki jhuka dega mere shanon ko
jo bojh ghaTta chala ja raha tha sine se
main teri yaad bhi dil se nikalta lekin
lipaT chuka hai koi azhdaha KHazine se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
