nikal aai hun aage main gunahon aur sawabon se

nikal aa.ī huuñ aage maiñ gunāhoñ aur savāboñ se

bahut ḳhush huuñ ki merī jaan chhūTī in azāboñ se

uThā kar rakh diye haiñ ḳhair-o-shar ke sab bahī-khāte

bahut mushkil meñ thī sūd-o-ziyāñ ke in hisāboñ se

bahut lipTe rahe ye jism-o-jāñ se bel kī mānind

hijāb aane lagā hai ab to mujh ko in hijāboñ se

Thaharne hī nahīñ dete the rasm-o-rāh aur rishte

nikalte hī nahīñ the paañv mere un rakāboñ se

ga.e vo din ki dūbhar thā yahāñ par saañs lenā bhī

zamāne ne jakaḌ rakhā thā mujh ko yuuñ tanāboñ se

yahāñ par har taraf vahm-o-gumāñ kī ret uḌtī hai

nahīñ khānā magar dhokā chamakte in sarāboñ se

kisī ke dard hī bāñTūñ maiñ niklūñ apne kamre se

rahegī aur kitnī guftugū merī kitāboñ se

Darā rakkhā thā itnā ahl-e-mimbar ne mujhe 'zahrā'

ki mujh ko ḳhauf sā aane lagā thā apne ḳhvāboñ se

nikal aai hun aage main gunahon aur sawabon se

bahut KHush hun ki meri jaan chhuTi in azabon se

uTha kar rakh diye hain KHair-o-shar ke sab bahi-khate

bahut mushkil mein thi sud-o-ziyan ke in hisabon se

bahut lipTe rahe ye jism-o-jaan se bel ki manind

hijab aane laga hai ab to mujh ko in hijabon se

Thaharne hi nahin dete the rasm-o-rah aur rishte

nikalte hi nahin the panw mere un rakabon se

gae wo din ki dubhar tha yahan par sans lena bhi

zamane ne jakaD rakha tha mujh ko yun tanabon se

yahan par har taraf wahm-o-guman ki ret uDti hai

nahin khana magar dhoka chamakte in sarabon se

kisi ke dard hi banTun main niklun apne kamre se

rahegi aur kitni guftugu meri kitabon se

Dara rakkha tha itna ahl-e-mimbar ne mujhe 'zahra'

ki mujh ko KHauf sa aane laga tha apne KHwabon se