nikal ke baam pe aao to id ho jae

nikal ke baam pe aao to 'iid ho jaa.e

hameñ bhī jalva dikhāo to 'iid ho jaa.e

tumhāre baaġh meñ aane se hotī hai halchal

adhūrī pyaas bujhāo to 'iid ho jaa.e

ḳhudā ke vāste ab to udaas lamhoñ kā

ḳhayāl dil meñ na laao to 'iid ho jaa.e

kabhī-kabhār sitamgar paḌosiyoñ ko bhī

murīd apnā banāo to 'iid ho jaa.e

tamām 'umr ulajhte rahe raqīboñ se

milan ke giit sunāo to 'iid ho jaa.e

bahut se log khaḌe haiñ tumhārī rāhoñ meñ

nazar idhar bhī uThāo to 'iid ho jaa.e

har ek baat pe laḌte ho kis liye 'naurang'

kisī ko apnā banāo to 'iid ho jaa.e

nikal ke baam pe aao to 'id ho jae

hamein bhi jalwa dikhao to 'id ho jae

tumhaare bagh mein aane se hoti hai halchal

adhuri pyas bujhao to 'id ho jae

KHuda ke waste ab to udas lamhon ka

KHayal dil mein na lao to 'id ho jae

kabhi-kabhaar sitamgar paDosiyon ko bhi

murid apna banao to 'id ho jae

tamam 'umr ulajhte rahe raqibon se

milan ke git sunao to 'id ho jae

bahut se log khaDe hain tumhaari rahon mein

nazar idhar bhi uThao to 'id ho jae

har ek baat pe laDte ho kis liye 'naurang'

kisi ko apna banao to 'id ho jae