nikhat-e-gul aaj-kal mujhko satati hai bahut

nik.hat-e-gul āj-kal mujh ko satātī hai bahut

ek laḌkī ḳhvāb meñ aa kar jagātī hai bahut

ek til jo gaal par hai mo'jiza sā hai koī

ābshāroñ jaisī us kī zulf bhātī hai bahut

haiñ ḳhutūt-e-jism meñ taare jaḌe jaise ka.ī

vo hasīñ jān-o-jigar mujh ko lubhātī hai bahut

vo agar hañs de to maiñ likh duuñ qasīde chāñd tak

'ishq karne kā salīqa vo sikhātī hai bahut

ai 'amān' ab kyā karūñ us ko manāne ke liye

ruuTh kar mujh se vo merā dil jalātī hai bahut

nikhat-e-gul aaj-kal mujh ko satati hai bahut

ek laDki KHwab mein aa kar jagati hai bahut

ek til jo gal par hai mo'jiza sa hai koi

aabshaaron jaisi us ki zulf bhati hai bahut

hain KHutut-e-jism mein tare jaDe jaise kai

wo hasin jaan-o-jigar mujh ko lubhati hai bahut

wo agar hans de to main likh dun qaside chand tak

'ishq karne ka saliqa wo sikhati hai bahut

ai 'aman' ab kya karun us ko manane ke liye

ruTh kar mujh se wo mera dil jalati hai bahut