nikle the to sar uncha tha malbus ana thi

nikle the to sar ūñchā thā malbūs anā thī

aur lauTe to sar ḳhāk-ba-kaf chaak qabā thī

ab tak ye ḳhalish baaqī hai jo umr hai guzrī

vo ḳhvāb thī yā ḳhvāb kī ta.abīr thī kyā thī

ik lahza ko hashr uTThā sar-e-kū-e-dil-e-zār

phir shahr-e-ḳhamoshī meñ fuġhāñ thī na navā thī

ai be-hisī-e-dil vo bhī karvā.e muqaffal

un hoñToñ kī har baat to tamsīl-e-duā thī

ik maiñ thā aur ik dosh pe bhaTkātī huī ziist

ik barg-e-ḳhizāñ-bār thā ik mauj-e-sabā thī

ye kaun tamarrud pe kamar-basta huā aaj

kal tak to har ik baat pe taslīm-o-razā thī

ye din bhī hai tū rauñd rahī hai mujhe duniyā

vo din bhī the jab tū mirī ḳhāk-e-kaf-e-pā thī

us sub.h-e-bahārāñ kā fusūñ TuuTā to dekhā

ik shahr-e-ḳhamoshāñ thā aur ik shām-e-qazā thī

maiñ ḳhush thā ki dāmān-e-gulistāñ meñ chhupā huuñ

sargardāñ mirī khoj meñ sahrā kī havā thī

nikle the to sar uncha tha malbus ana thi

aur lauTe to sar KHak-ba-kaf chaak qaba thi

ab tak ye KHalish baqi hai jo umr hai guzri

wo KHwab thi ya KHwab ki tabir thi kya thi

ek lahza ko hashr uTTha sar-e-ku-e-dil-e-zar

phir shahr-e-KHamoshi mein fughan thi na nawa thi

ai be-hisi-e-dil wo bhi karwae muqaffal

un honTon ki har baat to tamsil-e-dua thi

ek main tha aur ek dosh pe bhaTkati hui zist

ek barg-e-KHizan-bar tha ek mauj-e-saba thi

ye kaun tamarrud pe kamar-basta hua aaj

kal tak to har ek baat pe taslim-o-raza thi

ye din bhi hai tu raund rahi hai mujhe duniya

wo din bhi the jab tu meri KHak-e-kaf-e-pa thi

us subh-e-bahaaran ka fusun TuTa to dekha

ek shahr-e-KHamoshan tha aur ek sham-e-qaza thi

main KHush tha ki daman-e-gulistan mein chhupa hun

sargardan meri khoj mein sahra ki hawa thi