nishan-e-sajda pe itna guman achchha nahin

nishān-e-sajda pe itnā gumān achchhā nahīñ

ba-roz-e-hashr ḳhudā dil paḌhegā chehra nahīñ

vo sāneha thā kisī ne mujhe bachāyā nahīñ

par us ke baa'd koī shaḳhs muskurāyā nahīñ

bahut se log mire saath chal rahe haiñ magar

ye aisī bhiiḌ hai jis meñ koī kisī kā nahīñ

bhañvar uThe haiñ mire nāḳhudā kī āñkhoñ se

maiñ jāntā huuñ ki dariyā to itnā gahrā nahīñ

muhājiroñ ke muqaddar meñ bas añdhere haiñ

vahāñ charāġh nahīñ the yahāñ ujālā nahīñ

ye kam nahīñ hai ki zaḳhmoñ pe mutma.in huuñ bahut

ye ġham nahīñ hai koī saath rone vaalā nahīñ

maiñ apnī tīra-nasībī se haar maan gayā

tamām umr jalā aur jagmagāyā nahīñ

nishan-e-sajda pe itna guman achchha nahin

ba-roz-e-hashr KHuda dil paDhega chehra nahin

wo saneha tha kisi ne mujhe bachaya nahin

par us ke ba'd koi shaKHs muskuraya nahin

bahut se log mere sath chal rahe hain magar

ye aisi bhiD hai jis mein koi kisi ka nahin

bhanwar uThe hain mere naKHuda ki aankhon se

main jaanta hun ki dariya to itna gahra nahin

muhajiron ke muqaddar mein bas andhere hain

wahan charagh nahin the yahan ujala nahin

ye kam nahin hai ki zaKHmon pe mutmain hun bahut

ye gham nahin hai koi sath rone wala nahin

main apni tira-nasibi se haar man gaya

tamam umr jala aur jagmagaya nahin