noch kar phenk do baalon mein lagae hue phul

noch kar pheñk do bāloñ meñ lagā.e hue phuul

kaam ke rahte nahīñ kaam meñ laa.e hue phuul

maiñ isī soch meñ gum baiThā huuñ sāhil ke qarīb

kahāñ Thahreñge samundar meñ bahā.e hue phuul

is qadar gahrā ta'alluq hai mirā ḳhushbū se

sar pe rakh letā huuñ paañv tale aa.e hue phuul

ek bārīk se kamre meñ baserā hai mirā

kahāñ rakkhūñgā tire haath ke laa.e hue phuul

ye huā un se mulāqāt kā nuqsān mujhe

mere hāthoñ se nikalte hī parā.e hue phuul

vo mire paas se guzre haiñ bachā kar nazreñ

aur maiñ rah gayā hāthoñ meñ uThā.e hue phuul

jab vo yaad aate haiñ sāvan ke dinoñ meñ 'rāhī'

chuum letā huuñ maiñ bārish meñ nahā.e hue phuul

noch kar phenk do baalon mein lagae hue phul

kaam ke rahte nahin kaam mein lae hue phul

main isi soch mein gum baiTha hun sahil ke qarib

kahan Thahrenge samundar mein bahae hue phul

is qadar gahra ta'alluq hai mera KHushbu se

sar pe rakh leta hun panw tale aae hue phul

ek barik se kamre mein basera hai mera

kahan rakkhunga tere hath ke lae hue phul

ye hua un se mulaqat ka nuqsan mujhe

mere hathon se nikalte hi parae hue phul

wo mere pas se guzre hain bacha kar nazren

aur main rah gaya hathon mein uThae hue phul

jab wo yaad aate hain sawan ke dinon mein 'rahi'

chum leta hun main barish mein nahae hue phul