nok-e-mizhgan par machalta hai sahab-e-arzu

nok-e-mizhgāñ par machaltā hai sahāb-e-ārzū

bulbul-e-ḳhush-lahn kyā sozāñ hai phir zer-e-gulū

bhar liyā nok-e-qalam se ḳhāme ne kis kā lahū

saf.ha-e-qirtās par phailī sadā-e-hā-o-hū

hai nafas par choT phir se yā-ilāhī al-amāñ

kis taraf le jā rahī hai kū-e-yār-e-nek-rū

haa.e vo tishna-labī ab dam nahīñ ik dam ko hai

aur maiḳhāne meñ to chhalkā.ī hai āb-e-subū

kis qadar sharmā rahā hai aa.ina ham se ki ab

koī bhī sūrat nazar aatī nahīñ hai rū-ba-rū

ek ḳhāmoshī samā'at ke havāle kyā huī

ham se har zarra huā jaatā hai mahv-e-guftugū

'ishq ne dī hai azaañ aao 'ibādat ke liye

zer-e-ḳhanjar apne ḳhuuñ se kar rahe haiñ ham vuzū

chāk-dāmānī rahe zer-e-ridā-e-‘ishq jab

phir bhalā kyoñ DhūñDhtī hai ye nazar dām-e-rafū

nok-e-mizhgan par machalta hai sahab-e-arzu

bulbul-e-KHush-lahn kya sozan hai phir zer-e-gulu

bhar liya nok-e-qalam se KHame ne kis ka lahu

safha-e-qirtas par phaili sada-e-ha-o-hu

hai nafas par choT phir se ya-ilahi al-aman

kis taraf le ja rahi hai ku-e-yar-e-nek-ru

hae wo tishna-labi ab dam nahin ek dam ko hai

aur maiKHane mein to chhalkai hai aab-e-subu

kis qadar sharma raha hai aaina hum se ki ab

koi bhi surat nazar aati nahin hai ru-ba-ru

ek KHamoshi sama'at ke hawale kya hui

hum se har zarra hua jata hai mahw-e-guftugu

'ishq ne di hai azan aao 'ibaadat ke liye

zer-e-KHanjar apne KHun se kar rahe hain hum wuzu

chaak-damani rahe zer-e-rida-e-‘ishq jab

phir bhala kyon DhunDhti hai ye nazar dam-e-rafu