numud-e-rang se begana-war aai hai

numūd-e-rañg se begāna-vār aa.ī hai

ḳhizāñ kā bhes badal kar bahār aa.ī hai

malūl-o-muzmahil-o-be-qarār aa.ī hai

koī batā.e ye kaisī bahār aa.ī hai

asīr-e-ḳhāna-e-gulchīñ haiñ rañg-o-bū ai dost

ye kis ke ahd meñ aisī bahār aa.ī hai

suhāg adh-khilī kaliyoñ kā kis ne luuT liyā

bahār kis liye yuuñ sogvār aa.ī hai

chaman fasurda gul āzurda ġhunche pazhmurda

ḳhizāñ bahār pe hai yā bahār aa.ī hai

na barg-o-gul kī tamannā na rañg-o-bū kī havas

'sahāb' mujh ko ḳhizāñ sāz-gār aa.ī hai

numud-e-rang se begana-war aai hai

KHizan ka bhes badal kar bahaar aai hai

malul-o-muzmahil-o-be-qarar aai hai

koi batae ye kaisi bahaar aai hai

asir-e-KHana-e-gulchin hain rang-o-bu ai dost

ye kis ke ahd mein aisi bahaar aai hai

suhag adh-khili kaliyon ka kis ne luT liya

bahaar kis liye yun sogwar aai hai

chaman fasurda gul aazurda ghunche pazhmurda

KHizan bahaar pe hai ya bahaar aai hai

na barg-o-gul ki tamanna na rang-o-bu ki hawas

'sahab' mujh ko KHizan saz-gar aai hai