nur ki nadiyon mein wo tera nahana raat-bhar

nuur kī nadiyoñ meñ vo terā nahānā rāt-bhar

phir munavvar sā rahā saarā zamāna rāt-bhar

phir tirī yādoñ ke dariyā auj par aate ga.e

aa.ine ko phir tire qisse sunānā rāt-bhar

phir tirī yādoñ kī sham'eñ rāt-bhar jaltī rahīñ

phir tirī yādoñ meñ vo jagnā jagānā rāt-bhar

phir khule gesū liye vo chāñd taare dekhnā

maiñ ne dekhā chāñd tāroñ ko divāna rāt-bhar

phir uThānā naaz tere aur tabassum dekhnā

chāñd se tāroñ se phir bāteñ banānā rāt-bhar

tere lahje kī vo shoḳhī aur sharārat aañkh meñ

phir mire vo hosh kā jā kar na aanā rāt-bhar

raat kī tārīkiyoñ meñ terī āñkhoñ kī chamak

kahkashāñ se āsmāñ kā jagmagānā rāt-bhar

tujh badan kī ḳhushbūoñ meñ Duub kar tajnā jahāñ

mast-o-raqsāñ vajd se bāhar na aanā rāt-bhar

nur ki nadiyon mein wo tera nahana raat-bhar

phir munawwar sa raha sara zamana raat-bhar

phir teri yaadon ke dariya auj par aate gae

aaine ko phir tere qisse sunana raat-bhar

phir teri yaadon ki sham'en raat-bhar jalti rahin

phir teri yaadon mein wo jagna jagana raat-bhar

phir khule gesu liye wo chand tare dekhna

main ne dekha chand taron ko diwana raat-bhar

phir uThana naz tere aur tabassum dekhna

chand se taron se phir baaten banana raat-bhar

tere lahje ki wo shoKHi aur shararat aankh mein

phir mere wo hosh ka ja kar na aana raat-bhar

raat ki tarikiyon mein teri aankhon ki chamak

kahkashan se aasman ka jagmagana raat-bhar

tujh badan ki KHushbuon mein Dub kar tajna jahan

mast-o-raqsan wajd se bahar na aana raat-bhar