nur-o-nikhat ki ye barsat kahan thi pahle
nūr-o-nik.hat kī ye barsāt kahāñ thī pahle
zindagī itnī hasīñ raat kahāñ thī pahle
ab to palkoñ pe sitāre se laraz uThte haiñ
ġham-e-mahbūb kī ye baat kahāñ thī pahle
terī yādoñ se farozāñ haiñ fazā.eñ jin kī
aisī rātoñ se mulāqāt kahāñ thī pahle
un kī badmast nigāhoñ kā karam hai ai dil
zindagī bazm-e-ḳharābāt kahāñ thī pahle
kaif ye dard-e-mohabbat ne kiyā hai paidā
ye dil-āvezī-e-naġhmāt kahāñ thī pahle
aaj yuuñ dil ke taḌapne kā bharam TuuTā hai
hasrat-e-ltuf-o-ināyāt kahāñ thī pahle
'naqsh' un shoḳh nigāhoñ kā fusūñ hai varna
dil meñ ye shorish-e-jazbāt kahāñ thī pahle
nur-o-nikhat ki ye barsat kahan thi pahle
zindagi itni hasin raat kahan thi pahle
ab to palkon pe sitare se laraz uThte hain
gham-e-mahbub ki ye baat kahan thi pahle
teri yaadon se farozan hain fazaen jin ki
aisi raaton se mulaqat kahan thi pahle
un ki badmast nigahon ka karam hai ai dil
zindagi bazm-e-KHarabaat kahan thi pahle
kaif ye dard-e-mohabbat ne kiya hai paida
ye dil-awezi-e-naghmat kahan thi pahle
aaj yun dil ke taDapne ka bharam TuTa hai
hasrat-e-ltuf-o-inayat kahan thi pahle
'naqsh' un shoKH nigahon ka fusun hai warna
dil mein ye shorish-e-jazbaat kahan thi pahle
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
