oDh kar jo barf ka kambal gaya

oḌh kar jo barf kā kambal gayā

aag se vo shaḳhs kaise jal gayā

ābla-pā.ī ne himmat toḌ dī

phir musāfir apne sar ke bal gayā

kar rahī hai jo baġhāvat ye havā

āshiyāñ panchhī kā us ko khal gayā

jism zaḳhmī tīrgī kā ho gayā

haath meñ le kar koī mash'al gayā

husn-e-jānāñ kā safar sūraj sā hai

sub.h chamkā shaam ko phir Dhal gayā

haath merā koī sandal to nahīñ

saañp kaise āstīñ meñ pal gayā

pyaas ne āvāz dariyā ko na dī

kaam phir se āñsuoñ se chal gayā

oDh kar jo barf ka kambal gaya

aag se wo shaKHs kaise jal gaya

aabla-pai ne himmat toD di

phir musafir apne sar ke bal gaya

kar rahi hai jo baghawat ye hawa

aashiyan panchhi ka us ko khal gaya

jism zaKHmi tirgi ka ho gaya

hath mein le kar koi mash'al gaya

husn-e-jaanan ka safar suraj sa hai

subh chamka sham ko phir Dhal gaya

hath mera koi sandal to nahin

sanp kaise aastin mein pal gaya

pyas ne aawaz dariya ko na di

kaam phir se aansuon se chal gaya