pa kar shamim gesu-e-jaanan saba se aaj

pā kar shamīm gesū-e-jānāñ sabā se aaj

miltā nahīñ dimāġh guloñ ko havā se aaj

ohda-bar-ā jo honā thā 'ahd-e-vafā se aaj

ham kyā subuk sirā na mile haiñ qazā se aaj

kah de ye koī sheva-e-hājat-ravā se aaj

bargashta ho ke baat na karnā gadā se aaj

jab hai ‘amal fuzūl du'ā ġhair mustajāb

to haath uThā.e lete haiñ ham mudda'ā se aaj

is tarah us ne uzr-e-taġhāful meñ aah kī

phir ho ga.ī umīd-e-vafā bevafā se aaj

ye josh-e-ibtilā hai ki ahl-e-safīna bhī

nārāz nāḳhudā se haiñ nā-ḳhush ḳhudā se aaj

pa kar shamim gesu-e-jaanan saba se aaj

milta nahin dimagh gulon ko hawa se aaj

ohda-bar-a jo hona tha 'ahd-e-wafa se aaj

hum kya subuk sira na mile hain qaza se aaj

kah de ye koi shewa-e-hajat-rawa se aaj

bargashta ho ke baat na karna gada se aaj

jab hai ‘amal fuzul du'a ghair mustajab

to hath uThae lete hain hum mudda'a se aaj

is tarah us ne uzr-e-taghaful mein aah ki

phir ho gai umid-e-wafa bewafa se aaj

ye josh-e-ibtila hai ki ahl-e-safina bhi

naraaz naKHuda se hain na-KHush KHuda se aaj