paband-e-rasm-o-riwayat hain aain-e-mohabbat kya jaanen

pāband-e-rasm-o-rivāyat haiñ ā.īn-e-mohabbat kyā jāneñ

sajde asnām ko karte haiñ ye auj-e-ibādat kyā jāneñ

jam.a-o-tafrīq meñ ġhaltāñ haiñ taqsīm-o-zarb se pechāñ haiñ

ye shaukat-e-īmāñ kyā jāneñ ye shān-e-hamiyyat kyā jāneñ

ye shaiḳh hai ye maulānā hai ye zāhid hai ye suufī hai

ye hazz-e-rifāqat kyā jāneñ ye nashsha-e-sohbat kyā jāneñ

yā hosh-o-havās kī bāteñ haiñ yā fikr-o-ḳhirad kī ghāteñ haiñ

majnūñ kī riyāzat kyā jāneñ farhād kī jur.at kyā jāneñ

qismat meñ nahīñ shab-bedārī be-bahra girya-o-zārī hai

ye afv kī rahmat kyā jāneñ ye juud kī azmat kyā jāneñ

paband-e-rasm-o-riwayat hain aain-e-mohabbat kya jaanen

sajde asnam ko karte hain ye auj-e-ibaadat kya jaanen

jama-o-tafriq mein ghaltan hain taqsim-o-zarb se pechan hain

ye shaukat-e-iman kya jaanen ye shan-e-hamiyyat kya jaanen

ye shaiKH hai ye maulana hai ye zahid hai ye sufi hai

ye hazz-e-rifaqat kya jaanen ye nashsha-e-sohbat kya jaanen

ya hosh-o-hawas ki baaten hain ya fikr-o-KHirad ki ghaten hain

majnun ki riyazat kya jaanen farhad ki jurat kya jaanen

qismat mein nahin shab-bedari be-bahra girya-o-zari hai

ye afw ki rahmat kya jaanen ye jud ki azmat kya jaanen