pani kahin na saya kisi rah-guzar mein tha

paanī kahīñ na saaya kisī rah-guzar meñ thā

sar par kaḌī thī dhuup musāfir safar meñ thā

ham ne bhī ye sunā thā shab-e-ġham guzar ga.ī

lekin lahū kā rang numūd-e-sahar meñ thā

maanā ki ik sarāb thī rangīni-e-hayāt

kuchh lutf-e-zindagī bhī fareb-e-nazar meñ thā

kuchh nā-tamām ḳhvāhisheñ aur valvaloñ kī laash

le kar ye zād-e-rāh musāfir safar meñ thā

har moḌ har ravish pe shagūfe khilā ga.ī

afsūñ ye kis ġhazab kā tumhārī nazar meñ thā

'bahzād' kyoñ hamīñ pe hue pattharoñ ke vaar

har shaḳhs yuuñ to aap hī shīshe ke ghar meñ thā

pani kahin na saya kisi rah-guzar mein tha

sar par kaDi thi dhup musafir safar mein tha

hum ne bhi ye suna tha shab-e-gham guzar gai

lekin lahu ka rang numud-e-sahar mein tha

mana ki ek sarab thi rangini-e-hayat

kuchh lutf-e-zindagi bhi fareb-e-nazar mein tha

kuchh na-tamam KHwahishen aur walwalon ki lash

le kar ye zad-e-rah musafir safar mein tha

har moD har rawish pe shagufe khila gai

afsun ye kis ghazab ka tumhaari nazar mein tha

'bahzad' kyon hamin pe hue pattharon ke war

har shaKHs yun to aap hi shishe ke ghar mein tha