panw mein rah-e-mohabbat ke bhi chhaale rakhna

paañv meñ rāh-e-mohabbat ke bhī chhāle rakhnā

zaḳhm jo us ne diye haiñ vo sañbhāle rakhnā

mujh ko vahshat kā bharosa hai na dil par qaabū

tum mire paañv meñ zanjīr ko Daale rakhnā

maiñ bhī aa jā.uñgā sāvan kī ghaTā.eñ le kar

tum bhī sāġhar ko sar-e-shām uchhāle rakhnā

lutf detī hai bahut kaalī ghaTāoñ meñ sharāb

apnī zulfoñ ko mire dosh pe Daale rakhnā

vo tasavvur meñ yahī mujh se kahā karte haiñ

ġham zamāne ke mirī yaad meñ Taale rakhnā

rāh-e-ulfat meñ añdheroñ kā guzar hai 'nāsir'

apnī āñkhoñ meñ mohabbat ke ujāle rakhnā

panw mein rah-e-mohabbat ke bhi chhaale rakhna

zaKHm jo us ne diye hain wo sanbhaale rakhna

mujh ko wahshat ka bharosa hai na dil par qabu

tum mere panw mein zanjir ko Dale rakhna

main bhi aa jaunga sawan ki ghaTaen le kar

tum bhi saghar ko sar-e-sham uchhaale rakhna

lutf deti hai bahut kali ghaTaon mein sharab

apni zulfon ko mere dosh pe Dale rakhna

wo tasawwur mein yahi mujh se kaha karte hain

gham zamane ke meri yaad mein Tale rakhna

rah-e-ulfat mein andheron ka guzar hai 'nasir'

apni aankhon mein mohabbat ke ujale rakhna