panw phir howenge aur dasht-e-mughilan hoga

paañv phir hoveñge aur dasht-e-muġhīlāñ hogā

haath phir hoveñge aur apnā garebāñ hogā

dil-e-vahshī tū na kar ishq pareshāñ hogā

misl ā.īna ke phir shashdar-o-hairāñ hogā

gar yahī ishq kā āġhāz hai to sun lenā

laash hovegī mirī kūcha-e-jānāñ hogā

Duub kar marne kā shauq us se hī pūchh ai qātil

jis ne dekhā ye tirā chāh-e-zanaḳhdāñ hogā

kahtī thī daam meñ sayyād ke ro kar bulbul

ab kabhī ham ko mayassar na gulistāñ hogā

jitne duniyā meñ sitam chāhe tū kar le mujh par

hashr meñ haath mirā terā garebāñ hogā

jaan de baiThegā ik roz tū us par 'āġhā'

vo nahīñ haal kā tere kabhī pursāñ hogā

panw phir howenge aur dasht-e-mughilan hoga

hath phir howenge aur apna gareban hoga

dil-e-wahshi tu na kar ishq pareshan hoga

misl aaina ke phir shashdar-o-hairan hoga

gar yahi ishq ka aaghaz hai to sun lena

lash howegi meri kucha-e-jaanan hoga

Dub kar marne ka shauq us se hi puchh ai qatil

jis ne dekha ye tera chah-e-zanaKHdan hoga

kahti thi dam mein sayyaad ke ro kar bulbul

ab kabhi hum ko mayassar na gulistan hoga

jitne duniya mein sitam chahe tu kar le mujh par

hashr mein hath mera tera gareban hoga

jaan de baiThega ek roz tu us par 'agha'

wo nahin haal ka tere kabhi pursan hoga