panw yun naz-KHirami mein nahin Dal abhi

paañv yuuñ nāz-ḳhirāmī meñ nahīñ Daal abhī

kitne hī baaqī haiñ is raah meñ janjāl abhī

jaane kis mausam-e-girya se ye murjhā.e gulāb

jaane kis ranj se haiñ zard tire gaal abhī

aur is ā.ina-e-vaqt ko chamkā mire dost

aur kuchh der khurach zang-e-mah-o-sāl abhī

toḌiye mat abhī is lamha-e-qurbat kā hisār

thāme rakhiye yūñhī rangoñ se bharā thaal abhī

jhāḌiye aur zarā gard-e-masāfat 'tauqīr'

saaf ho paa.e nahīñ dil ke ḳhad-o-ḳhāl abhī

panw yun naz-KHirami mein nahin Dal abhi

kitne hi baqi hain is rah mein janjal abhi

jaane kis mausam-e-girya se ye murjhae gulab

jaane kis ranj se hain zard tere gal abhi

aur is aaina-e-waqt ko chamka mere dost

aur kuchh der khurach zang-e-mah-o-sal abhi

toDiye mat abhi is lamha-e-qurbat ka hisar

thame rakhiye yunhi rangon se bhara thaal abhi

jhaDiye aur zara gard-e-masafat 'tauqir'

saf ho pae nahin dil ke KHad-o-KHal abhi