pas-e-adab-e-mai-kashi rakhna

pās-e-ādāb-e-mai-kashī rakhnā

ḳhud ko tum mahv-e-tishnagī rakhnā

har kisī se na dostī rakhnā

dostoñ se na dushmanī rakhnā

gul na saare charāġh ho jaa.eñ

ek do meñ to raushnī rakhnā

laakh ḳhushiyāñ nasīb hoñ tum ko

ġham se vābasta zindagī rakhnā

dil kī garmī na sard ho jaa.e

aag siine meñ kuchh dabī rakhnā

ḳhatm rishta to kar rahe ho magar

kuchh ta'alluq kabhī kabhī rakhnā

sirf taqdīr hī nahīñ sab kuchh

dil meñ tadbīr bhī koī rakhnā

baat se bhī to baat bantī hai

baat bigḌe to tum banī rakhnā

'fauq' jiine ko ye zarūrī hai

kuchh na kuchh shaġhl-e-shā.erī rakhnā

pas-e-adab-e-mai-kashi rakhna

KHud ko tum mahw-e-tishnagi rakhna

har kisi se na dosti rakhna

doston se na dushmani rakhna

gul na sare charagh ho jaen

ek do mein to raushni rakhna

lakh KHushiyan nasib hon tum ko

gham se wabasta zindagi rakhna

dil ki garmi na sard ho jae

aag sine mein kuchh dabi rakhna

KHatm rishta to kar rahe ho magar

kuchh ta'alluq kabhi kabhi rakhna

sirf taqdir hi nahin sab kuchh

dil mein tadbir bhi koi rakhna

baat se bhi to baat banti hai

baat bigDe to tum bani rakhna

'fauq' jine ko ye zaruri hai

kuchh na kuchh shaghl-e-shaeri rakhna