pas har pal ye raha hote juda dekha nahin

paas har pal ye rahā hote judā dekhā nahīñ

dard se behtar koī bhī ham-navā dekhā nahīñ

hijr kī rāteñ ye aañsū aur ye tanhā.iyāñ

tum ne mere saath kyā ye qāfila dekhā nahīñ

yaad hai tum ne dilā.ī thī qasam na milne kī

is liye sadiyoñ se maiñ ne aa.ina dekhā nahīñ

kaaT kar shah-rag kabhī hāsil huā hai ishq kyā

is se bad-tar aur duujā rāsta dekhā nahīñ

ishq ko likhne jo baiThī jab kabhī pannoñ pe maiñ

ye qalam bhī bolā aisā hādisa dekhā nahīñ

pas har pal ye raha hote juda dekha nahin

dard se behtar koi bhi ham-nawa dekha nahin

hijr ki raaten ye aansu aur ye tanhaiyan

tum ne mere sath kya ye qafila dekha nahin

yaad hai tum ne dilai thi qasam na milne ki

is liye sadiyon se main ne aaina dekha nahin

kaT kar shah-rag kabhi hasil hua hai ishq kya

is se bad-tar aur duja rasta dekha nahin

ishq ko likhne jo baiThi jab kabhi pannon pe main

ye qalam bhi bola aisa hadisa dekha nahin