pas mein rah ke nigahon se bachae rakhna

paas meñ rah ke nigāhoñ se bachā.e rakhnā

apne dukh-dard ko apnoñ se chhupā.e rakhnā

ham guḌā-bhāg ghaTā-joḌ nahīñ kar paate

apnī aadat meñ hai rishtoñ ko nibhā.e rakhnā

ḳhud ko ḳhud se hī chhupāne kā tarīqa hai ye

apnī bātoñ meñ sadā ḳhud ko lagā.e rakhnā

pyaas jab haath uThā.e to na ḳhālī jaa.e

bādalo itnī to ummīd jagā.e rakhnā

āñdhiyoñ se kabhī bujhtī nahīñ ummīd kī lau

yuuñ hī ehsās ke dīpak ko jalā.e rakhnā

kuchh bhale log kahānī kī tarah milte haiñ

dukh kisī kā bhī ho kāñdhe pe uThā.e rakhnā

pas mein rah ke nigahon se bachae rakhna

apne dukh-dard ko apnon se chhupae rakhna

hum guDa-bhag ghaTa-joD nahin kar pate

apni aadat mein hai rishton ko nibhae rakhna

KHud ko KHud se hi chhupane ka tariqa hai ye

apni baaton mein sada KHud ko lagae rakhna

pyas jab hath uThae to na KHali jae

baadalo itni to ummid jagae rakhna

aandhiyon se kabhi bujhti nahin ummid ki lau

yun hi ehsas ke dipak ko jalae rakhna

kuchh bhale log kahani ki tarah milte hain

dukh kisi ka bhi ho kandhe pe uThae rakhna