pata hun iztirab ruKH-e-pur-hijab mein

paatā huuñ iztirāb ruḳh-e-pur-hijāb meñ

shāyad chhupā hai dil mirā un kī naqāb meñ

sū-e-falak vo dekheñ agar pech-o-tāb meñ

barpā ho hashr gahan lage āftāb meñ

vo chāñdnī meñ ruḳh se haTā deñ agar naqāb

lag jaa.eñ chār-chāñd ruḳh-e-māhtāb meñ

ai nā-ḳhudā-e-kashtī-e-dil dekh-bhāl ke

tūfāñ chhupe na hoñ kahīñ qalbe-habāb meñ

sabr-āzmā nigāhoñ kā sadqa idhar bhī dekh

phir kuchh kamī sī paatā huuñ ab iztirāb meñ

ik tum hī aa.e dard kī duniyā basā ga.e

varna rahā thā kyā dil-e-ḳhāna-ḳharāb meñ

'iqbāl' in kī mast-nigāhoñ kā faiz hai

merā jahān-e-shauq hai Duubā shabāb meñ

pata hun iztirab ruKH-e-pur-hijab mein

shayad chhupa hai dil mera un ki naqab mein

su-e-falak wo dekhen agar pech-o-tab mein

barpa ho hashr gahan lage aaftab mein

wo chandni mein ruKH se haTa den agar naqab

lag jaen chaar-chand ruKH-e-mahtab mein

ai na-KHuda-e-kashti-e-dil dekh-bhaal ke

tufan chhupe na hon kahin qalbe-habab mein

sabr-azma nigahon ka sadqa idhar bhi dekh

phir kuchh kami si pata hun ab iztirab mein

ek tum hi aae dard ki duniya basa gae

warna raha tha kya dil-e-KHana-KHarab mein

'iqbaal' in ki mast-nigahon ka faiz hai

mera jahan-e-shauq hai Duba shabab mein