pata hun lal taish mein jaan-e-haya ko main

paatā huuñ laal taish meñ jān-e-hayā ko maiñ

kaise zabāñ pe lā.ūñ abhī mudda'ā ko maiñ

mushkil ghaḌī hai le leñ 'aqā.ed kā imtihāñ

tum hāth-pāoñ maaro pukārūñ ḳhudā ko maiñ

ik baar kī ḳhatā ho to laġhzish bhī maan luuñ

har baar ho to kyā kahūñ aisī ḳhatā ko maiñ

kartā rahā phir aaj kī shab bhī usī tarah

jugnū kā intizār bujhā kar diyā ko maiñ

aisā kabhī gunāh na kar baiThūñ ai ḳhudā

muñh bhī dikhā sakūñ na phir ahl-e-vafā ko maiñ

jo raakh bhī kured ke sho'le nikāl le

pahchāntā huuñ 'nazr' ik aisī havā ko maiñ

pata hun lal taish mein jaan-e-haya ko main

kaise zaban pe laun abhi mudda'a ko main

mushkil ghaDi hai le len 'aqaed ka imtihan

tum hath-paon maro pukarun KHuda ko main

ek bar ki KHata ho to laghzish bhi man lun

har bar ho to kya kahun aisi KHata ko main

karta raha phir aaj ki shab bhi usi tarah

jugnu ka intizar bujha kar diya ko main

aisa kabhi gunah na kar baiThun ai KHuda

munh bhi dikha sakun na phir ahl-e-wafa ko main

jo rakh bhi kured ke sho'le nikal le

pahchanta hun 'nazr' ek aisi hawa ko main